#VOAKirundi: Umwuzukuru wa Nelson Mandela Yahevye ANC

[ad_1]

Ndileka Mandela, umwuzukuru mukuru wa, Nelson Mandela yaranebaguye icese umugambwe uri ku butegetsi muri Afrika y’epfo, African National Congress ku marorerwa yawo y’urutavanako.

Nelson Mandela yayoboye umugambwe ANC kuva mu nmwaka w’i 1991 gushika mu mwaka w’i 1997. Yashikanye uwo mugambwe ku ntsinzi y’amatora y’umukuru w’igihugu mu mwaka w’i 1994 aho yabaye umuperezida wa mbere w’umwirabure inyuma y’irangira ry’intwaro kadyanishamiryango ya Apartheid muri Afurika y’epfo.

Yatangaje kw’adashobora gutora umugambwe ANC utacubahiriza ivyo sekuru na begenziwe barwaniye.

Ndileka Mandela, muri iki gihe afise imyaka 52, avuga kw’ingingo yiwe yakwirikiye amarorerwa y’umugambwe ANC harimwo abantu ijana bari bafise ibibazo vyo mu mutwe bapfuye mu mwaka uheze kubera batitaweho. Avuga kw’amarorerwa y’umugambwe ANC y’urutavanako n’abayakora batigera babibazwa bituma abanyagihugu bageramirwa bikomeye.

Ndileka Mandela avuga ko yamaze igihe yiyumvira ingingo yafashe. Amenyesha ko bitamworoheye gufata ingingo nkiyo.

Ivyatangajwe na Ndileka Mandela vyatumye muvyara wiwe, Mandla Mandela umushingamateka mu mugambwe ANC amusaba kudaheba umugambwe ANC.
Avugako ivyo badashima mu mugambwe ANC bategerezwa kubitorera.

Avuga ko guheba umugambwe ANC bidafasha abanyafrika y’epfo.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

[ad_2]

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: