#BBCGahuza: Abana bandikiye Prezida Kagame ngo arekure nyina wabo apfunzwe

[ad_1]

Abana b'abahungu ba Violette Uwamahoro bandikiye Prezida Paul Kagame bamusaba ngo arekure nyina wabo apfunzwe

Image caption

Abana b’abahungu ba Violette Uwamahoro bandikiye Prezida Paul Kagame bamusaba ngo arekure nyina wabo apfunzwe

Abana b’abahungu bakiri bato, mama wabo ari mw’ibohero, bandikiye Prezida Kagame bamusaba ngo amupfungure.

Violette Uwamahora aba Leeds mu Bwongereza, yafashwe ku munsi wa « Valentine » yagiye mu Rwanda mu maziko.

Uwo mugore akorera mu gisata c’urwaruka, amaze amezi atanu yibugenze, yagirizwa kuba yarasohoye amabanga y’igihugu hamwe no gushinga imirwi yitwaje ibigwanisho igwanya ubutegetsi.

Umugabo wiwe, Faustin Rukundo, avuga ko umugore wiwe akurikiranwa kubera ivyo akora ku bijanye na politike.

Faustin Rukundo ari mu murwi utavuga rumwe n’ubutegetsi « Rwandan National Congress. »

Image caption

Abo bahungu bavuga ko bamukumbuye kandi ko bamurungikiye ikarata « carte postale » yo kumwipfuriza umunsi mwiza wahariwe abavyeyi

Abana b’umupfasoni Uwamahoro, Samuel w’imyaka umunani, David w’imyaka 10, bandikiye umushikiranganji wa mbere Theresa May, na Prezida w’u Rwanda, Paul Kagame, bipfuza gufasha mama wabo.

Avugira ku rugo rwiwe i Leeds, umugabo wiwe, umusuzumyi wo muri « Laboratoire », yavuze ati: « Ndemeza ko yafashwe kubera jewe-igihano cari kigenewe jewe. »

Yavuze ko umugore wiwe ata bikogwa vya politike yigeze ajamwo muri kahise. Uwamahoro yarahakanye ivyo yagirijwe.

Uwufise ububasha kw’isanamu
Getty Images

Image caption

Bivugwa ko Prezida Paul Kagame yitwaza rimwe na rimwe amategeko ya jenoside ngo agwanye abatavuga rumwe nawe

Bwana Rukundo asaba ubutegetsi bw’igihugu c’Ubwongereza ngo buhaguruke atinya ko urubanza rumurindiriye rutazisunga ukuri.

Umuvugizi wo mu bushikiranganji bw’imigenderanire y’Ubwongereza n’amakungu yagize ati: « Turiko turafasha umugore w’umwongereza n’umuryango inyuma yaho afatiwe mu Rwanda. Abakozi bacu b’i Kigali bariko baravugana n’ubutegetsi bwaho. »

BBC GAHUZA (Menya Neza: Iyi nkuru yanditse na BBC Gahuza. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya BBC Gahuza. Ushaka gusoma ayandi makuru ya BBC Gahuza k’urubuga rwabo, fyonda hano)

[ad_2]

BBC Gahuza Kirundi

Copyright © BBC Gahuza, a division of the BBC (British Broadcasting Corporation). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: