#VOAKirundi: Igitero c’Abiyahuzi Cahitanye Abantu Batanu

[ad_1]

Imodoka itezwemwo ikibombe yaturitse k’umugwa mukuru wa Somaliya, I Mogadiscio, kur’uyu wa kabiri. Ico gitero cabereye hafi y’ikirindiro c’abajejwe umutekano, kiri iruhande y’inyubakwa y’Umukuru w’igihugu. Cahitanye abantu batanu, n’abandi cumi n’umwe bakomeretse. Batatu mubo bcahitanye bar’abasirikare, nk’uko vyatangajwe n’umuvugizi wa Reta mur’ako karere.

Umugwi w’abagwanyi ba kisilamu, al-Shabaab watangaje ko ariwo wakoze ico gitero. Uwo mugwi usanzwe ukorana n’umuhari al-Qaida uramaze gukora ibitero vy’abiyahuzi bitari bike I Mogadiscio, ibitero uganisha akenshi ku nyubakwa z’uburaro n’uburiro, ahaba hakoraniye abategetsi ba Reta.

Ico gitero kibaye ica mbere kibaye kuva Prezida Mohamed Abdullahi Mohamed atanguye amabanga yo kurongora Igihugu. Abanywanyi b’uwo muhari bakaba batangaje ko batamwemera, bagasaba abanyagihugu kutamushigikira. Umuhari al-Shabaab ubandanya kubangamira umutekano muri Somaliya. Ni mugihe abasirikare ba Somaliya, bafashijwe n’inteko z’Ubumwe bwa Afrika badahengeshanya gukora ibitero vyo gutuza uwo mugwi.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

[ad_2]

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: