#BBCGahuza: Viollete Uwamahoro yagejejwe mu rukiko

[ad_1]

Abana b'abahungu ba Violette Uwamahoro bandikiye Prezida Paul Kagame bamusaba ngo arekure nyina wabo apfunzwe

Image caption

Abana b’abahungu ba Violette Uwamahoro bandikiye Prezida Paul Kagame bamusaba ngo arekure nyina wabo apfunzwe

Umunyarwandakazi ufite ubwenegihugu bw’Ubwongereza,Violette Uwamahoro, uherutse gufatirwa mu Rwanda, uyu munsi yagejejwe mu rukiko ku nshuro ya mbere.

Mu rukiko rukuru rwa Gasabo, Violette Uwamahoro, yahakanye ibyaha 3 aregwa birimo gushaka kurema umutwe w’ingabo.

Yaje mu rukiko yambaye yambaye ikanzu ndende n’agakote k’ubururu n’ amapingu.

Yahakanye ibyaha aregwa birimo gushaka kurema umutwe w’ingabo, kumena amabanga y’igihugu no gushaka kugirira nabi umukuru w’igihugu.

Ubushinjacyaha bwavuze ko ibyo byaha yabikoze mu buryo bw’ibiganiro yagiranye na mubyarawe, Nshumbusho Jean Pierre, ubarizwa muri Polisi y’ u Rwanda ishami ryihariye.

Nshumbusho yemeye ibyaha aregwa, yavuze ko yizezwaga gufashwa kujya kwiga mu Bwongereza.

Ni nawe kandi ushinja Violette, ariko yavuze ko n’ubwo yemera ibyaha aregwa ngo ntiyegeze agira umugambi wo kubishyira mu bikorwa.

Yavuze kandi ko byaheze mu biganiro gusa.

Ubushinjacyaha bwavuze bagiranye ibyo biganiro hifashishijwe urubuga nkoranyambaga rwa Whatsapp.

Violette yavuze ko ari nta biganiro byerekeye umutekano w’igihugu yagiranye na Nshumbusho, yavuze ko bavugaye iby’imiryango gusa.

Yanavuze kandi ko yifuza ko haba iperereza rikozwe na Polisi y’u Rwanda n’iy’u Bwongereza ngo ryacukumbura neza ubutumwa bwa telefone bamushinja.

Image caption

Uwamahoro Violette yashikanywe muri sentare

Uwamahoro yasabye urukiko ko rwamureka akaburana ari hanze kubera impamvu z’uko atwite kandi hari ibyo akenera ntabibone birimo ibiribwa.

Umwunganizi we,Me Mukamusoni Antoinette, yasabye urukiko ko rwakurikiza itegeko rirengera umwana atwite maze rukarekura by’agateganyo uwo yunganira.

Ambasade y’ u Bwongeraza mu Rwanda nayo yemera kuba yatanga inzu Violette yacumbikamo kugirango abonekere ku gihe ubushinjacyaha bwaba bumukeneye.

Uwamahoro yafatiwe ku butaka bw’ u Rwanda mu kwezi gushize yaje gushyingura umubyeyi we.

Umyanzuro w’urukiko uzasomwa ku wa mbere w’icyumweru gitaha.

  • Abana bandikiye Prezida Kagame ngo arekure nyina wabo apfunzwe

Image caption

Abo bahungu bavuga ko bamukumbuye kandi ko bamurungikiye ikarata

BBC GAHUZA (Menya Neza: Iyi nkuru yanditse na BBC Gahuza. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya BBC Gahuza. Ushaka gusoma ayandi makuru ya BBC Gahuza k’urubuga rwabo, fyonda hano)

[ad_2]

BBC Gahuza Kirundi

Copyright © BBC Gahuza, a division of the BBC (British Broadcasting Corporation). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: