#VOAKirundi: Prezida wa Somaliya Arasaba Imfashanyo Amakungu

[ad_1]

Prezida mushasha wa Somaliya, Mohamed Abdhullahi Mohamed yateye akamo amakungu, asaba ko yofasha igihugu ciwe m’ukugwanya ikiza c’inzara kiriko kiribonekeza aho muri Somaliya. Prezida Mohamed yatangaje ko hafi igice c’abanyagihugu bo muri Somaliya bugarijwe n’ubukene bw’ibifungugwa, nayo ibice cumi na bitanu kw’ijana bakaba bariko barahangana n’ikiza c’inzara.

Ivyo Prezida Mohamed yabitangarije mw’ividewo yasohotse i Nairobi, muri Kenya, aho avuga ko ibihe abanyagihugu biwe bariko baracamwo bitoroshe na gato. Prezida Mohamed avuga kandi ko ibihe vy’imvura vyegereje bishobora gusongera isibe mu kugwiza indwara y’amacinya.

Ikiza c’inzara giheruka muri Somaliya cabaye mu mwaka w’ibihumbi bibiri na cumi na rimwe, aho cahitanye abantu bashika ku bihumbi amajana abiri na mirongo itandatu. Muri kino gihe, abakeneye imfashanyo baharugwa mu miliyoni zitandatu. Akamo katewe amakungu gasaba amafaranga angana n’imiliyoni amajana umunani na mirongo ibiri na zitanu z’amadolari. Gushik’ubu ibice mirongo itatu kw’ijana y’ayasabwa akaba ariyo amaze gutangwa.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

[ad_2]

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: