#VOAKirundi: Itegeko ryo kwivuza ‘Obamacare’ rigiye kubandanya rikora.

[ad_1]

Prezida wa reta zunze ubumwe za Amerika Donald Trump yasavye abayobozi b’umugambwe w’abarepublika gukura itegeko ritegekanya ukugene abanyamerika bivuza mu nama nshingamateka. Aho hari ku musi wa gatanu aho vyari bitegekanijwe ko amatora aba kugira iryo tegeko ryemezwe canke rihagarikwe. Ukwo gusokora iryo tegeko vyakozwe mugihe Trump yasanze ata majwi akwiye ryoronka kugira rirengane.

Trump yavuze ati: twari hafi cane kugira dukwize amajwi akanewe kugira iryo tegeko rya teguwe n’umugambwe uri kubutegetsi rishobore gutogwa kandi risubirire iryateguwe n’uwahoze ari prezida Barack Obama, haciye imyaka indwi.

Umukuru w’inama nshingamateka, Paul Ryan yari amaze imisi akora adahengeshanya kugira reta ya Trump ishigikirwe bihagije. Kuba basokoye iryo tegeko mu nama nshingamateka, n’agahombo kadasanzwe kuri Ryan na prezida Trump.

Inyuma yaho bakuye iryo tegeko mu nama nshingamateka, Ryan yavuze ko bagiye kuba barakorera kw’itegeko abo mu mugambwe w’abarepublika batazira “Obamacare” ryari rihasanzwe, rikaba ryateguwe kuntwaro ya prezida Obama.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

[ad_2]

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: