#VOAKirundi: Igitero c’Indege Coba Cishe Abarenga 100 i Mosul

[ad_1]

Abategetsi mugisirikare c’Amerika baremeza ko igitero c’indege cakozwe n’inteko mvamakungu mugisagara ca Mosul muri Iraki cahitanye abantu barenga 100.

Ayo makuru yatangajwe kur’uyu wa gatandatu avuga ko bariko barakurikirana ivy’ico gitero, cari gitumbereye abarwanyi b’umuhari wa reta ya Kiyisilamu n’ibikoresho vyabo mugace havugwa ko hapfuye abasivile batari bake.

Ivyabaye mur’iryo sanganya ryo kw’italiki ya 17 z’ukwezi kwa gatatu mu gace ka al-Jadida muri Mosul biracarimwo umwijima.

Bamwe mu banyagihugu baho bavuga ko iyo ndege yateye ikamyo yarimwo ibisasu ica nayo isambura amazu yari hafi yarimwo imiryango itari mike.

Umukuru w’igisagara ca Mosul, Abdul Sattar al-Habbo, ari nawe arongoye ibikorwa vyo gutabara, yatangaje ko ibiziga 240 vyakuwe mubibomoke vy’amazu.

Iryo tangazo ry’abategetsi ba gisirikare muri Amerika rije inyuma y’aho reta ya Iraki itangarije k’umusi wa gatandatu ko ishobora kuba irahagaritse ivy’agateganyo urugamba rwo kwigarurira Mosul.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

[ad_2]

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: