#VOA: Integuro y’Itegeko ry’Amatagisi Ryemejwe n’Abashingamateka

[ad_1]

Inama nshingamateka ya Reta Zunze Ubumwe za Amerika yaremeje ejo ku musi wa kane integuro y’itegeko ritunganya gushasha ivyerekeye amatagisi mu gihugu. Bubaye ubwa mbere itegeko rigenga amatagisi rihinyanyurwa mu kiringo c’imyaka mirongo itatu.

Ivyo bihaye intsinzi kuri Perezida Donald Trump n’Abarepublikani intsinzi bari bakeneye cane rwose inyuma yuko ata tegeko rikomeye ryari bwashobore kurengana mu kiringo c’umwaka.

Mu butumwa yashize ku rubuga Twitter, Perezida Trump avuga kugabaniriza amatagisi amashirahamwe n’Abanyamerika basanzwe bizogira akamaro gakomeye ubutunzi bw’igihugu.

Umukuru w’inama nshingamateka, Paul Ryan yavuze kw’iyemezwa ry’itegeko ritunganya gushasha ivyerekeye amatagisi ar’intambwe ikomeye cane.

N’intsinzi ikomeye cane ku barepublikani inyuma y’uko bagerageje incuro zitari nke gukuraho n’ugusubiriza itegeko ryorohereza Abanyamerika kwivuza ryari ryateweko umukono na Barack Obama yahoze ari perezida w’Amerika.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

[ad_2]

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: