#VOA: Emmerson Mnangagwa Yaragenye Abashikiranganji 2 Bakomeye

[ad_1]

Perezida mushasha w’igihugu ca Zimbabwe aherutse gushingwa ayo mabanga Emmerson Mnangagwa, yagenye abasirikare babiri bakuru mu bibanza bikomeye vy’abashikiranganji.

Iyo nkuru yatangajwe ejo ku musi wa kane ku mugoroba na Television y’igihugu.

Abahurikiye mu migambwe itavuga rumwe n’ubutegetsi, bakumiwe mur’iyo reta nshasha igizwe n’abashikiranganji 22.

Ivyo vyatumye akizero ko Mnangagwa ashobora kugena reta ihurikiwemwo na bose kurusha uwo yasubiriye, Robert Mugabe, kazimangana.

Mugabe afise imyaka 92 yatwaye igihugu ca Zimbabwe mu kiringo c’imyaka 37, yatanze imihoho mu ndwi iheze abanje kuremerwa, hamwe n’inyuma y’aho akuriwe ku butegetsi; n’abashingamateka bo mu mugambwe wiwe ZANU- PF bakamukurako icizero.

Subisio Moyo, umujeneral yagiye kuri Television y’igihugu, agatangaza kw’abasirikare bakuye reta kandi ko Mugabe apfungiwe mu nyubakwa iwe, yabaye umushikiranganji ajejwe imigenderanire.

Umusirikare arongoye igisirikare kigwanira mu kirere, Perence Shiri yabaye umushikiranganji w’ubutaka n’uburimyi. Uyo musirikare avugwa kw’ariwe yashira mu ngiro umugambi wa Mugabe ku ntwaro yiwe y’iterabwoba yo kwica isinzi ry’abanyagihugu bo mu bwoko bw’abaNdebele mu ntara ya Matabeleland, iri mu burengero bw’igihugu, aho abasivile ibihumbi 20 bagandaguwe.

Chris Mutsvangwa, umukuru w’ishirahamwe ry’abagwanye mu rugamba, barimwo abagwanyi bafatanije na Mugabe mu kubohoza igihugu, yabaye umushikiranganji ajejwe gutangaza amakuru.

Benshi mur’abo bashikiranganji bahora muri reta ya Mugabe.

Umutegetsi akomeye atavuga rumwe na reta, Morgan Tsvangirai, yabwiye itorokanirizo ry’amakuru, Associate Press kw’ata mishikirano yigeze iba hagati ya reta hamwe n’abatavuga rumwe na yo.

VOA Kirundi (Menya Neza: Iyi nkuru yanditse na VOA Ijwi Ry’Amerika. Amakuru n’amashusho cokimwe n’amasanamu yoba ari mur’ino nkuru vyose tubikesha urubuga vya VOA. Ushaka gusoma ayandi makuru ya VOA mu Kirundi k’urubuga rwabo, fyonda hano)

[ad_2]

VOA Kirundi

Copyright © VOA Kirundi, a division of the VOA (Voice Of Amarica). All rights reserved. Distributed by Magara Times Kirundi (magaratimes.com). Contact the copyright holder directly for corrections or for permission to republish or make other authorized use of this material... Articles and commentaries that identify Magara Times Kirundi as the publisher are produced or commissioned by Magara Times. To address comments or complaints, please Contact us.

0 Comments

No comments!

There are no comments yet, but you can be first to comment this article.

Leave reply

Gira ico ubivuzeko: