Urwego Rujejwe Gucungera Ibimenyesha Makuru CNC Rusaba Leta Gushiraho Amategeko Atuma Ibikoresho Vy’abamenyesha Makuru Bigabanirizwa Amakori

CNC

copyright@ site du gouvernement du Burundi

Urwego rujejwe gucungera ibimenyesha makuru CNC rusaba leta gushiraho amategeko atuma ibikoresho vy’abamenyesha makuru bigabanirizwa amakori. Karenga Ramadhan arongoye urwo rwego akaba yabishikirije kuri uyu wa mbere mu gihe yariko arashira ahabona ivyaranze urwo rwego mu mwaka wa 2017.

Karenga Ramadhan avuga kandi ko bitegekanijwe ko hajaho inomero itariha kugira umumenyesha makuru agize ikibazo arwiture vyoroshe.

Karenga Ramadhan amenyesha yuko igifise ingorane zimwe zimwe zituma urwo rwego rudakora akazi neza.  ifise kugira ngo irangure. Urwo rwego rusaba rero inzego zitandukanye ziri mu gihugu abamenyeshamakuru n’abaserukira ibihugu vyabo hano mu Burundi ico bofasha.

Ngo kub’abamenyeshamakuru basabwe cane cane kwisunga amategeko  y’igihugu nay’umwuga kugira ngo ntibahure n’amasanganya igihe bari mu kazi hagati yabo n’inzego z’igihugu canke hagati yabo n’abanyagihugu.

Urwo rwego rusaba kandi cane cane abarongoye ibigo vyo kumenyesha amakuru  yuko bokwandikisha kurusha abakozi babo kugira  ngo urwo rwego rutanguye gutanga ama karata abamenyesha makuru bose bayaronke.

Ngo ku nzego  z’igihugu urwo rwego rwasavye yuko boshinga amategeko ajanye n’ibwirizwa rirekurira ibigo vyo guhanahana amakuru no kuyamenyesha  kuronswa no kugabanirizwa amakori ajanye n’ibikoresho bakoresha

Ngo Leta nayo bayisavye ko ayo mategeko amaze guja mu ngiro yuko abakozi nabo nyene mu gihe bari ku rubuga bategerezwa kuronswa ibikwiye kugira ngo  umutekano wabo n’uwibikoresho vyabo  vyose vyubahirizwa. Ngo ivyo babisavye abari mu nzego zitandukanye kugira bamenye y’uko mu gihe umumenyesha makuru amaze kwiyandikisha akaronswa uburenganzira bwo gukora yuko ico cubahiro agifise nk’abandi bakozi.

Sandrine Josée BAHATI

Sandine Josée BAHATI ni umumenyeshamakuru wa Journal Magara Times na Radio Magara Times FM. Aho, BAHATI Amenyesha amakuru ajanye n'Amagara (Santé) hamwe n'amakuru ajanye n'Indero (Education) n'ayajanye n'Imibano (Relations). Mwandikire kuri: bjsandrine@magaratimes.com

0 Nizo ncuro bavuze kuri ino nkuru!

Ivyiyumviro!

Nta muntu aratanga iciyumviro kur'ino nkuru, ni mube aba mbere mutanze iciyumviro canyu kuko buri ciyumviro cubaka kirakenewe iwacu.

Tanga Iciyumviro.

Menya Neza Bino Bikwirikira:
Buri muntu ararekuriwe gutanga ico yiyumvira kurino nkuru cokimwe no kwishura ku vyiyumviro abandi batanze hano. Ariko musabwe kubikora mu bwitonzi kandi mwubahiriza abandi nkuko namwe mwipfuza ko bobubahiriza. Birabujujwe gukoresha runo rubuga ku mvo zindi zitandukanye no gusangira ikiyago. Abazorenga kuri zino mpanuro bazofatigwa ingingo zibereye.

Gira ico ubivuzeko: