Umumenyereza Alain Olivier Niyungeko asaba abakunzi b’umugwi nserukira gihugu intamba mu rugamba kubandanya babashigikira nkuko babikoze ku munsi Uburundi bwariko butana mu mitwe na Mali buranganya 1-1, ngo kuko haracariho izindi nkino Uburundi buzokina.

Ifoto ya Ejo

Ndashimiye  cane abakunzi b’intamba mu rugamba, nabonye ko baje kubwinshi gushigikira umugwi wabo, nibazeko bazobandanya gutyo, ntibacike intege, ntituraheza kuko turacabandanya amahiganwa.

Intamba mu rugamba  zisigaje gukina inkino zi biri zizoyihuza na Soudan y’epfo urukino ruzobera mu gisagara ca Djouba itariki 16 Munyonyo 2018 hamwe nurundi rukino ruzoyihuza na Gabon ruzobera i Burundi itariki 22 Ntwarante 2019. Uburundi bukaba bufata ikibanza ca gatatu mw’itsinda rya C n’amanota 6 n’ibitsindo 3 ni mugihe Mali ifise ikibanza ca mbere n’amanota 8 n’ibitsindo 4 igakurikirwa n’igihugu ca Gabon gifise amanota 7 n’ibitsindo 3.