Uganda : Prezida Yoweri Museveni yashimiye Denis Onyango.

Umukuru w’Igihugu ca Uganda, Yoweri Musaveni yagabiye Denis Onyango umuduga wo mubwoko bwa Sports Pajero nk’agashimwe bivanye n’akazi kiwe keza cane yakoreye  umurwi nserukiragihugu wa Uganda « The Cranes » ko kuwusamira ikiringo c’imyaka 16.

Umuduga Denis Onyango yagabiwe na Prezida Museveni.

Uwo yahoze ari kizigenza wa Uganda Cranes, aherutse kumenyesha ko ahagaritse ivyo gukinira umurwi nserukiragihugu wa Uganda, hari kw’igenekerezo rya 12.04.2021.

Denis Onyango yarafashije Imisambi kwitabira incuro zibiri inkino z’igikombe ca Afrika CAN 2017  na CAN 2019. Hambavu y’umurwi nserukiragihugu, amaze gufasha umurwi wiwe wa Mamelodi Sundowns gutahukana igikombe ca CAF Champions League hari mu mwaka w’inkino wa 2015-2016. Ni murico gihe nyene yatowe nk’umukinyi yigenjeje neza gusumba abandi ku bakinyi basanzwe bakina ku mugabane w’Afrika.

Denis Onyango n’agashimwe kiwe k’umukinyi yigenjeje neza gusumba abandi bakina muri Afrika muri 2016.

Denis Onyango yavutse igenekerezo rya 15.05.1985 yavukiye mugihugu ca Uganda mugisagara ca Kampala. Ubu vuba azokwiza imyaka 36 y’amavuko. Akaba abarizwa mu murwi wa Mamelodi Sundowns wo muri Afrika y’epfo.

  • 171
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
    171
    Shares
  •  
    171
    Shares
  • 171
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

About Kwizera Ismail (Nahodha)

Ismail (Nahodha) Kwizera ni umumenyeshamakuru wa Journal Magara Times na Radio Magara Times FM. Aho, KWIZERA Amenyesha amakuru ajanye n'inkino (Sports) hamwe n'amakuru ajanye n'ivyo kwidagadura (Divertissement). Mwandikire kuri: ismailk@magaratimes.com

Check Also

Primus League: Musongati FC, Flambeau Du Centre, Athletico New Oil Academy, Vital’O FC… ntivyagenze neza.

Ihiganwa rya Primus League Burundi ryari rigeze mu ndwi yaryo igira kane kuva kuri uyu …

- Sponsored Advertisement -